Inhalt: Wi over uns
plattdütsk
- Dat WSA Emden und sien Amtskuntrei
- De Upgaven
- Fahrwaterunerhollen und Stromboo
- Stroom- un schippfahrtspolizeiliche Ufgaven und Genehmigungen
- Hauptverkehrsstee (VZ) Ems
- Bedriev un Unerhollen
Dat WSA Emden und sien Amtskuntrei
Dat oll Vörschipp van d' BS "Ems"
De Well mit Schruuv van d' Slepdamper "Wilgum"
Dat Waterwegen- un Schippfahrtsamt Emden ( WSA)
hett to sörgen för de Utbau, dat Unnerhollen un för Recht un Sekerheid van de Schippsverkehr up de Eems, up de nationalen Waterstraten in de Beriek van de Waterkant bit hento de Wattenmeer un de Ostfreeske Insels.
De Amtskuntrei umfaat:
- De Noordesee van de nederlandske Grenz bit an de Harle ( Fahrwater tüsken Spiekeroog un Wangeroog ) un in d' Noorden bit an de südelke Grenz van dat Verkehrstrennungsgebiet German Bight / Western Approach,
- De Buteneems van km 40,45 bit 110 ( Eemsansteuerung bi Börkum )
- De Unnereems van km 0,00 bit 40,45 ( Papenbörg - Emden )
- De Leda van de Grenz van de Landkreise Leer un Papenbörg bit an de Eems
- De Eems - Siedkanal van de Borssumer Slüüs bit an de Eems.
En Overblick over de Amtskuntrei finnen ji ok up disse Kaart.
De Upgaven van dat WSA Emden sünd vörgeven dör dat Bundeswaterstraten-, Seeupgaven- un Binnenschippfahrtsupgavengesetz un umfaten: de Utbau un dat Unnerhollen van de Bundeswaterstraten Eems, Leda un de Eems-Siedkanal ( vermeten, utbaggern )as ok de Bedriev van de Schippfahrtanlagen, de de Bund hören un dat Setten un Bedrieven van Schippfahrt - Teken ( Pricken, Tünnen, Füürtoorns).
Dat WSA nimmt Strompolizei - Upgaven wahr, um Gefahr oftowehren, sörgt för Sekerheid un dat Lichtlopen van Schippsverkehr, mutt bi dat Uprichten un de Bedriev van Weeswarken an Bundeswaterstraten as Strom- un Schippfahrtpolizei tostimmen, mutt de Verkehr regeln, in Verkehrssaken beraden, stüürt de Verkehr dör de Hauptverkehrsstee (VZ) Eems an de Knock (Vessel Traffic Service) un steiht för dat Wahrschauen van Unweer in de Noord- un Oostsee.
Fahrwaterunerhollen und Stromboo
De Grund van d' Fahrwater word all Jahr tominnsten eenmaal mit modern Gereedskupp vermeten. De doorbi faststellten Minnerdüpden worden futt bekannt geven un dör de Insatz van Suugbaggers an d' Sied maakt. De Schlick in de Unnereems word in Spölfelder unnerbrocht un in de Buteneems word de Schlick un Sand up Klappsteden brocht. Daarbi mut d'r up acht worden, dat all Richtlininien för dat Unnerbrengen van Spölgood inhollen worden.
Stroom- un schippfahrtspolizeiliche Upgaven und Genehmigungen
Tünnenlegger "Gustav Meyer" mit schippfahrtpolizeilichen Upgaven
Stroom- un schippfahrtpolizeiliche Upgaven
För grootere Eenheiden (to 'n Bispill Pontons mit groot Delen of en Sleepverband)sünd Verkehrsberahmen, Verbodd van Tosammentreffen as ok dat Berahmen van d' Längde un Breddte van de Schippen nödig. Anners mut man sük hierför en Verlöv geven laten. Sowied de Bund ok Eegner van de Waterstraat is, kann he mit Kunnen privatrechliche Kuntraktde ofsluten ( to 'n Bispill mit Bootvereen of Fiskerlü).
Hauptverkehrsstee (VZ) Ems
De Waterwegen- un Schippfahrtverwalten van d' Bund is wegen de Seeupgavengesetz för de Sekerheid un dat Lichtlopen van Schippsverkehr up de Waterstraten, up See un an de Waterkant tostännig as ok för dat Verhinnern van Gefahren un för Schaden för de Umwelt de dör Schippsverkehr utgaan könen. Daarför denen de Tünnen un Füürtoorns, boovendeem givt dat heel modern Verkehrssekerheidssyteme. De bestaan ut unbesett Radaranlagen un ut besett Radaranlagen mit Tokiekers in de Hauptverkehrssteen (VZ).
Hauptverkehrsstee (VZ) Ems an d'Knock
Radarstation Oude Ship (NL)
Radartoorn Börkum
Meetshipp "Weekeborg"
Füürtoorn Campen
Füürtünnen up Tünnenhof
Lücht van d' Füürtoorn
Leda - Sperrwark